Të dielën, më 6 korrik, Milano u përfshi nga një stuhi e fuqishme pas disa ditësh me temperatura të larta. Reshjet e dendura dhe era e fortë shkaktuan dëme të konsiderueshme, kryesisht në perëndim të qytetit, si në veri ashtu edhe në jug të tij.
Zjarrfikësit raportuan rreth 50 ndërhyrje deri në orën 19:00, ndërsa 37 raste të tjera janë ende në pritje. Ndërhyrjet përfshijnë pemë të rrëzuara ose të rrezikshme, përmbytje në bodrume e lokale të ulëta, si dhe tabela reklamash të shembura nga era.
Një nga ndërhyrjet më të rëndësishme u krye në Piazza Baiamonti nga ekipi i zjarrfikësve të detashmentit Marcello, ku u hoq një pemë e madhe e rrëzuar në mes të rrugës. Autoritetet mbeten në terren për të menaxhuar situatën dhe për të garantuar sigurinë e qytetarëve./CorriereTv
