Presidenti francez Emmanuel Macron deklaroi të hënën se Groenlanda “nuk është për tu marrë”, duke iu përgjigjur indirekt synimeve të presidentit amerikan Donald Trump për aneksimin e këtij ishulli arktik.
“Groenlanda nuk është për tu marrë, as Antarktida dhe as hapësira detare nuk janë për shitje,” tha Macron gjatë një konference të Kombeve të Bashkuara për mbrojtjen e oqeaneve në qytetin bregdetar francez Nice.
Macron do të vizitojë Groenlandën të dielën, ku do të zhvillojë bisedime me kryeministrin e territorit Jens-Frederik Nielsen dhe kryeministren daneze Mette Frederiksen për sigurinë në Atlantikun e Veriut dhe Arktik, si dhe për ndryshimet klimatike, energjinë dhe mineralet kritike.
Që nga rikthimi në Shtëpinë e Bardhë, Trump ka shfaqur dëshirën për të kontrolluar ishullin strategjik dhe me burime të pasura minerale.
