Sekretari amerikan i Mbrojtjes Pete Hegseth ka lëshuar udhëzime të brendshme për Pentagonin për të filluar dëbimin e trupave transgjinore që nuk zgjedhin të largohen vetë deri më 6 qershor, sipas një memoje të marrë nga Reuters.
Pentagoni nuk iu përgjigj menjëherë një kërkese për koment.
Vendimi u dënua menjëherë nga aktivistët e të drejtave transgjinore të kontaktuar nga Reuters.
Trump lëshoi një urdhër ekzekutiv në ditën e tij të parë në detyrë më 20 janar duke thënë se qeveria e SHBA-së do njohë vetëm dy gjini, mashkull dhe femër dhe se ato nuk janë të ndryshueshme.
Përpjekjet e tij për t’i dhënë fund të drejtave transgjinore në ushtri ishin një fokus i veçantë në fushatën e tij zgjedhore dhe ai shpejt lëvizi për të ndryshuar një politikë të zbatuar nën paraardhësin e tij demokrat Joe Biden që kishte lejuar trupat transgjinore të shërbenin hapur në forcat e armatosura amerikane.
Ish-presidenti demokrat Barack Obama në vitin 2016 lejoi për herë të parë njerëzit transgjinorë të shërbenin hapur dhe që nga fundi i vitit të kaluar, kishte 4,240 trupa transgjinore në detyrë aktive dhe të Gardës Kombëtare të SHBA-së, kanë thënë zyrtarët.
Në memorandumin e së enjtes, Hegseth shkroi se ushtria amerikane do fillonte menjëherë largimin e trupave transgjinore që ishin vetëidentifikuar për largim vullnetar.
