I kërkuari i drejtësisë, Lulzim Berisha, pritet të ekstradohet sot nga Spanja drejt Shqipërisë.
Ai u arrestua në Dhjetor 2023 në Alikante dhe përballet me akuza për përfshirje në vrasjet e Klodian Saliut, Vajdin Lames dhe Artan Arsit në 2005.
Berisha u dënua fillimisht me burg përjetë, por më vonë dënimi iu reduktua në 25 vite, ndërsa u lirua në 2016.
Në 2021, Gjykata e Lartë rrëzoi vendimin për lirimin e tij, duke kërkuar rikthimin në burg.
Në Maj 2024, SPAK lëshoi urdhër-arresti ndaj tij për një procedim penal të ri.
