Presidenti i SHBA-së Joe Biden ka hequr shqetësimet se ai nuk do jetë në gjendje të mposhtë rivalin e tij të përhershëm Donald Trump në zgjedhjet e ardhshme, duke deklaruar se vetëm “Zoti i Plotfuqishëm” do ishte në gjendje ta bindte atë të largohej nga gara.
Biden i bëri komentet të premten në një intervistë me George Stephanopoulos të ABC News.
Biseda e shumëpritur u rrotullua kryesisht rreth fushatës, gjendjes shëndetësore të Biden-it dhe paraqitjes së tij nën nivelin e debatit kundër Trump javën e kaluar.
Gjatë intervistës në ABC, Biden deklaroi qartë se ai e konsideronte veten kandidati më i mirë që demokratët mund të paraqisnin dhe kandidati më i përgatitur për të mundur Trump-in.
“E binda veten për dy gjëra. Unë jam personi më i kualifikuar për ta mposhtur atë dhe di si t’i bëj gjërat,” tha ai.
I pyetur nëse diçka mund ta bindë atë të kundërtën, Biden tha se vetëm Zoti “mund” të ketë autoritet të mjaftueshëm për ta bërë këtë.
“Varet nëse Zoti i Plotfuqishëm zbret dhe më thotë këtë, vetëm atëherë unë mund ta bëj këtë.”
Intervista shpërthyese vjen mes kohërave të trazuara për 81-vjeçarin Biden, i cili ka luftuar me pasojat e debateve katastrofike kundër Trump. Paraqitja e zymtë e presidentit ka përforcuar shqetësimet e gjata në lidhje me kapacitetet e tij mendore dhe fizike dhe aftësinë e tij për detyrë, me shumë figura kryesore demokrate që shprehin pakënaqësinë e tyre.
Gjithashtu të premten, një grup prej 168 mbështetësish të profilit të lartë të Partisë Demokratike, duke përfshirë donatorë të mëdhenj dhe akademikë, u raportua se i kishin dërguar një letër Biden-it, duke i bërë thirrje atij të largohej nga fushata. Nënshkruesit argumentuan se masa duhet të ndërmerret “për hir të demokracisë sonë dhe të ardhmes së kombit tonë”, sipas një raporti nga Ëashington Post duke cituar burime anonime.
