Një person është vrarë me armë zjarri në Kavajë.
Ngjarja ka ndodhur në një lokal.
Është qëlluar për vdekje Arjan Gosa vëllai i Armand Gosës i cili pak kohë më parë humbi jetën pas një përplasje me Altin Rexhen i vrarë edhe ky nga Gosa me thikë.
Pas atentatit në Kavajë, në pamjet e para duket babai që qëndron pranë djalit të ekzekutuar.
“Më datë 21.05.2023, rreth orës 18.30, në lagjen Nr. 1, në Kavajë, në një lokal, një person ende i paidentifikuar ka vrarë me armë zjarri pistoletë shtetasin A. G.
Shërbimet e Policisë pas marrjes së njoftimit kanë shkuar menjëherë në vendngjarje, kanë rrethuar zonën, kanë ngritur pika kontrolli dhe vijon krehja e zonës për të bërë të mundur kapjen e autorit.
Grupi hetimor nën drejtimin e Prokurorisë ndodhet në vendngjarje dhe vijon veprimet hetimore për sekuestrimin e provave me qëllim identifikimin dhe kapjen e autorit.
Paraprakisht nga të dhënat e grumbulluara dyshohet se ngjarja ka ndodhur për motive hakmarrje“-njofton policia.