Vendosni fjalën kyçe....

Juventusit i rikthehen 15 pikët por çështja e plusvalencave duhet të rigjykohet sërish


Juventusi ka fituar gjyqin në Këshillin e Garancisë në Komiteini Olimpik Italian.

“Zonja e Vjetër” ka marrë 15 pikët që i kishte hequr Federata Italiane nga renditja e këtij sezoni në Serinë A por ka rikthyer sërish çështjen për rigjykim në Komisionin e Apelit të Federatës Italiane.

Bardhezinjtë kishin kundërshtuar vendimin e Federatës mbi çështjen e plusvalencave duke e cilësuar heqjen e pikëve si të parregullt dhe të pabazuar në rregullore. Deklarata e prokurorit të Federatës Italiane i cili i pranoi pasaktësitë në vendimin e mëparshëm, u dha atyre një ndihmë.

Këshilli i Garancisë i mbledhur sot, i dha të drejtë Juventusit duke anuluar vendimin e mëparshëm. Kështu, bardhezinjtë do të kenë përsëri 15 pikët që i ishin hequr

Me këtë vendim Juventusi ngjitet në vendin e tretë me 59 pikë.