Pas mbledhjes së Kryesisë, Sali Berisha ka mbajtur fjalën e tij.
Në lidhje me mënyrën se si do të hyjnë në zgjedhjet e 14 majit, Berisha tha se vendimi do të merret nesër në takimin e Këshillit Kombëtar të grupimit të tij.
Berisha vijoi me akuzat e tij teksa tha se vendimin e Ramës e kanë përjetuar si një nga aktet më të shëmtuara dhe më të paimagjinueshme, për të asgjësuar pluralizmin.
“U diskutua për qëndrimet që do mbahen dhe vendimet përfundimtare merren nesër nga Këshilli Kombëtar, konstatohet moral i lartë dhe mbështetje e madhe jo vetëm nga anëtarësia e PD por nga çdo shqiptar që vlerëson pluralizmin.
Vendimin e Ramës e kanë përjetuar si një nga aktet më të shëmtuara, vendimet më të paimagjinueshme, përpjekje për të asgjësuar pluralizmin. E vërteta është që ky vendim ka rritur mbështetjen sepse tani çdo shqiptar e kuptoi se PD nuk qëndron vetëm për një kauzë të vetën, por për kauzën e çdo shqiptari.” tha Berisha.
