Një ‘stuhi’ e formuar nga rritja e çmimeve të mallrave dhe dobësimi i monedhës kombëtare bëri që kostot e importeve japoneze të rriteshin në vitin 2022, me deficitin tregtar që arriti një rekord prej 19.97 trilionë jen (155 miliardë dollarë), raportoi Nikkei, duke cituar statistikat zyrtare.
Sipas të dhënave paraprake të gjurmuara nga Ministria e Financave e vendit, rritja e eksporteve të Japonisë arriti në 98.18 trilionë jen (764 miliardë dollarë) vitin e kaluar, duke shënuar një rritje prej 18%. Në të njëjtën kohë, importet thuhet se u rritën me më shumë se 39% dhe arritën në 118.15 trilionë jen (920 miliardë dollarë).
Deficiti vjetor i vlerësuar, i regjistruar për të dytin vit radhazi, ishte shumë më i lartë në krahasim me kulmin e mëparshëm prej 12.8 trilionë jen (100 miliardë dollarë) të regjistruar në vitin 2014.
Në vitin 2022, vlera e naftës bruto të importuar nga vendi i varfër me burime pati një rritje të jashtëzakonshme prej 91.5%, ndërsa importet e gazit të lëngshëm natyror u rritën me 97.5%.
“Importet u rritën me 39.2% për shkak të rritjes së çmimeve të naftës së papërpunuar, qymyrit dhe prodhimeve të tjera.” – tha ministria.
Për më tepër, jen-i ra në nivelin më të ulët 32-vjeçar kundrejt dollarit në tetor, pasi Banka e Japonisë mbajti politikën e saj tejet të butë monetare mes rritjes së normës globale, duke shtuar kostot e importit për prodhimet jetike si ushqimet dhe lëndët e para.
