Vendosni fjalën kyçe....

Marrëdhëniet mes Rusisë dhe Kinës, synohet që së shpejti shkëmbimet tregëtare të shkojnë në 250 miliardë dollarë


Kina është aleati dhe partneri i madh i Rusisë, objektivi tregtar shpresojmë se do të arrihet së shpejti, thotë zëdhënësi i Kremlinit.

Rusia shpreson të rrisë së shpejti qarkullimin e saj tregtar dypalësh me Kinën në 250 miliardë dollarë, tha të martën zëdhënësi i Kremlinit Dmitry Peskov, sipas AA

Pekini është “aleati i madh dhe partneri tregtar dhe ekonomik i Moskës”, tha ai në një konferencë shtypi në Moskë.

“Objektivi prej 250 miliardë dollarësh është absolutisht realist. Shpresojmë që në një të ardhme të afërt të arrihet dhe të tejkalohet”, tha ai.

Në lidhje me përpjekjet e Rusisë për të rritur përmasat e forcave të saj të armatosura, Peskov tha se vendimi ishte i domosdoshëm nga “lufta prokure që po i bëhej Rusisë nga vendet e Perëndimit kolektiv”.

Ai tha se thashethemet për një valë të re mobilizimi ushtarak në Rusi po nxiteshin nga jashtë, duke u bërë thirrje të gjithëve që të mbështeten vetëm në deklaratat zyrtare nga Moska dhe udhëheqja e saj.

Peskov refuzoi të komentojë pretendimet e inteligjencës ukrainase se Presidenti Vladimir Putin ka urdhëruar komandantët të kapin Donbasin deri në mars.

Për një takim të mundshëm midis krerëve të shërbimeve të inteligjencës ruse dhe amerikane, ai tha se bisedime të tilla “do të ishin të dobishme“, por nuk ka ende një datë në kartat.