Policia ka sekuestruar një sasi të madhe monetare në vijim të operacionit policor të koduar “Inside”.
404 800 euro, 8500 dollarë dhe aksesorë floriri janë gjendur në banesën e dy autorëve të arrestuar gjatë operacionit ditën e djeshëm ku u ndaluan shtetasja R0zeta dhe Havier Dobi (nënë e bir).
Dy autorët e dyshuar akuzohet se kanë vjedhur shumën e parave në një banesë që shtetasja R.D punonte si sanitare.
“Shërbimet e Komisariatit të Policisë Nr. 2, në vijim të operacionit policor të koduar “Inside”, gjatë të cilit u arrestuan shtetasit R. D. dhe H. D., nisur nga dyshimet e krijuara, mbi shumën e vjedhur në banesën në Rrugën e Kosovarëve, bazuar në inteligjencën informative dhe veprimet hetimore të thelluara kanë ushtruar rikontroll në banesën e shtetasve R. D. dhe H. D. (nënë e bir).
Gjatë kontrollit në banesë, shërbimet e Policisë gjetën të fshehura në tubin e aspirimit, 404 800 euro, 8500 dollarë dhe aksesorë floriri, të cilat u sekuestruan në cilësinë e provës materiale”-njofton policia.
