Departamenti i Shteteve të Bashkuara (DASH) ka vlerësuar punën e Prokurorisë Speciale kundër Krimit të Organizuar dhe Korrupsionit (SPAK), duke e cilësuar si një ent të ri elitar kundër korrupsionit dhe krimit të organizuar.
Sipas DASH-it, muajt e fundit kjo organizatë ka arrestuar ish-zyrtarë dhe zyrtarë të lartë të akuzuar për korrupsion.
“Me ndihmën e SHBA-së, Shqipëria krijoi Agjencinë Speciale Kundër Korrupsionit si një ent i ri elitar kundër korrupsionit dhe krimit të organizuar. Muajt e fundit, organi ka arrestuar ish-ministra, deputetë, gjyqtarë, oficerë policie, prokurorë, kryetarë bashkie dhe drejtues të krimit të organizuar.”– thuhet në vlerësimin e DASH-it.
Ky vlerësim u bë në blogun zyrtar të DASH-it, ku u vlerësuan “Kampionët Anti-Korrupsion 2022”.
Në takimin e dy ditëve më parë, Zëvendës Sekretari i DASH-it Todd D. Robinson i siguroi Arben Krajës në emër të Departamentit Amerikan të Shtetit se SHBA do të vazhdojë të mbështesë edhe më fort SPAK-un “në ngritjen e kapaciteteve dhe rritjen e rezultateve në luftën kundër krimit të organizuar, pastrimit të parave dhe korrupsionit të nivelit të lartë.”
Drejtuesi i #SPAK takon z.Todd D. Robinson, Assistant Secretary në #DepartamentinAmerikantëShtetit🇺🇸. SHBA do vazhdojë ta mbështesë fuqimisht @SPAK_🇦🇱në ngritjen e kapaciteteve dhe rritjen e rezultateve në luftën kundër krimit të organizuar, pastrimit të parave dhe korrupsionit! pic.twitter.com/jS8Jt8slcP
— Struktura e Posaçme Anti-Korrupsion (@SPAK_Albania) December 8, 2022
