Presidenti i Bjellorusisë Aleksandr Lukashenko i dha lamtumirën ministrit të ndjerë të Punëve të Jashtme Vladimir Makei sot më 29 nëntor.
Kreu i shtetit bjellorus u fotografua pranë Shtëpisë së Oficerëve, ku kishte shkuar për t’i dhënë lamtumirën ministrit të ndjerë të Punëve të Jashtme. Ceremonia e lamtumirës u organizua në Shtëpinë e Oficerëve në Minsk.
Siç raportoi BelTA më herët, Vladimir Makei do të varroset në varrezat Vostochnoye në Minsk këtë të martë, mes spekulimesh se mund të jetë vrarë.
Presidenti bjellorus thuhet se ka urdhëruar teste toksikologjike pasi Vladimir Makei vdiq papritur në fundjavë.
Ekipi i sigurisë i ngarkuar për ruajtjen e ministrit gjithashtu po i nënshtrohet testeve të detektorit të gënjeshtrës, raportoi kanali në “Telegram” Obraz Buduschego ose “Vizioni i së Ardhmes”. Kanali në Telegram tha se rezultatet e testeve të shumta do të jenë gati nesër.
Siç shkruan Daily Mail, ka ende të paverifikuara se diplomati veteran dhe ish-spiuni, 64 vjeç, u vra në një operacion në Moskë për shkak të kontakteve të tij klandestine me Perëndimin në lidhje me luftën në Ukrainë dhe përpjekjet për të parandaluar përfshirjen e Bjellorusisë në Rusi nga Vladimir Putin.
Disa raporte thonë se vdekja e Makeit ka “tronditur” Lukashenkon, i cili tani ka frikë për sigurinë e tij. Në mediet perëndimore thuhet se ai madje ka zëvendësuar kuzhinierët dhe shërbëtorët e tij, nga frika e vrasjes nga Moska.
