Një kongresmen republikan i sapozgjedhur tha se ai shqetësohet se demokratët do përpiqen të zvogëlojnë shkeljet e mundshme financiare e ligjeve të letrave me vlerë nga ish-shefi i FTX, Sam Bankman-Fried, duke përdorur një sesion të rremë të Kongresit përpara se të betohet Kongresi i ri.
Republikani George Santos, 34 vjeç, i cili fitoi Distriktin e 3-të të Nju Jorkut, iu bashkua kolegëve të tij të Kongresit duke bërë thirrje për një ‘hetim të plotë’ kur Kongresi i ri që drejtohet nga republikanët të marrë drejtimin vitin e ardhshëm.
Kolapsi spektakolar i FTX, një shkëmbim kripto-valutash që kishte selinë në Bahamas, i cili shpalli falimentimin më 11 nëntor, ka lënë rreth miliona klientë dhe investitorë të tjerë të përballen me humbje totale prej miliarda dollarësh.
Që atëherë, raportet janë shfaqur se Alameda Research, një fond mbrojtës kriptosh i krijuar nga Bankman-Fried, po tregtonte miliarda dollarë nga llogaritë e FTX pa dijeninë e klientëve.
Komiteti i Shërbimeve Financiare të Kongresit tha javën e kaluar se planifikon të mbajë një seancë dëgjimore në dhjetor për të hetuar kolapsin e FTX. Ai tha se pret të dëgjojë nga kompanitë dhe individët e përfshirë, duke përfshirë Bankman-Fried, FTX dhe Alameda Research.
Kryetarja e Komitetit, demokratja Maxine Waters tha në një deklaratë se SHBA-ja ka nevojë për ‘veprim legjislativ për të siguruar që entitetet e aseteve dixhitale nuk mund të operojnë në hije jashtë mbikëqyrjes së fortë federale’.
Por Santos nuk është i bindur se komiteti i udhëhequr nga demokratët do ndërmarrë veprime të forta.
“Waters ka sinjalizuar se ajo nuk do hetojë Bankman-Fried dhe FTX. Kështu që unë jam pak i shqetësuar që demokratët tani në Kongres, do shmangin çështjen nga tani deri në fillimin e Kongresit të ri.” – tha Santos.
Santos, i cili ka punuar si këshilltar financiar dhe ka kërkuar një detyrë në Komitetin e Shërbimeve Financiare, tha se ‘përgjegjësia është e detyrueshme dhe absolutisht e nevojshme’.
“Askush nuk duhet të largohet nga kjo histori pa u ndëshkuar.” – shtoi ai.
Donacione për demokratët
Çështja FTX ka marrë një urgjencë të shtuar duke qenë se Bankman-Fried ishte donatori i dytë më i madh demokrat për ciklin zgjedhor 2021–2022, duke dhuruar mbi 38 milionë dollarë për organizata të ndryshme të lidhura me demokratët me 990,000 dollarë të tjera për anëtarët individualë të Kongresit.
Shumë prej donacioneve erdhën nga adresa të huaja në Nassau, kryeqyteti i Bahamas dhe Hong Kong, sipas një analize nga Epoch Times.
Sipas të dhënave të Komisionit Federal të Zgjedhjeve (FEC), nga 182 donacione të bëra nga Bankman-Fried këtë cikël zgjedhor, dy donacione erdhën pa adresë, 16 donacione erdhën nga një adresë Hong Kongu, 68 erdhën nga adresat e SHBA dhe 96 erdhën nga dy adresa në Nassau, Bahamas.
Ëashington Free Beacon raportoi këtë javë, duke cituar të dhënat e FEC, se Bankman-Fried dhe kolegët e tij në FTX dhuruan 300,351 dollarë për nëntë anëtarë të Komitetit të Shërbimeve Financiare të Kongresit.
Është kjo lidhje midis Bankman-Fried dhe anëtarëve të komitetit që e bën Santos të shqetësuar se demokratët mund të përpiqen të minimizojnë skandalin në hetimin e ardhshëm.
“Demokratët priren të mos kujdesen për etikën kur bëhet fjalë për fushatën e tyre.” – tha ai.
