Vendosni fjalën kyçe....

I fiku mikrofonin Bushkës në Komision, Gazment Bardhi përjashtohet me 5 ditë nga Kuvendi


Përjashtohet me 5 ditë nga Kuvendi deputeti i PD-së, Gazment Bardhi.

Kjo pas incidentit që ndodhi dy ditë më parë në Komisionin e Ligjeve, ku i hoqi mikrofonin drejtueses së komisionit, Klotilda Bushkës.

“Bazuar në Rregulloren e Kuvendit, neni 63 pika ç dhe neni 65/1, Sekretariati vendosi me 3 vota Pro dhe 2 Kundër, marrjen e masës disiplinore ‘Përjashtim nga pjesëmarrja në komisione dhe në seanca plenare për 5 (pesë) ditë’, për deputetin z. Gazmend Bardhi. Vendimi hyn në fuqi më datë 18.11.2022.”– thuhet në vendimin e Sekretariatit për Procedurat, Votimet dhe Etikën.

VENDIMI

Në drejtimin e znj. Klotilda Bushka, ditën e sotme u mblodh Sekretariati për Procedurat, Votimet dhe Etikën, për shqyrtimin e kërkesës së grupit Parlamentar të Partisë Socialiste, lidhur me situatën e krijuar nga deputeti z. Gazmend Bardhi, gjatë zhvillimit të mbledhjes së Komisionit për Çështjet Ligjore, Administratën Publike dhe të Drejtat e Njeriut, të datës 15.11.2022. Në këtë mbledhje deputeti Bardhi përdori gjuhë jo parlamentare ndaj Kryetares së Komisionit, shoqëruar me veprime agresive, duke dëmtuar pajiset audio në sallën e mbledhjes së komisionit, si dhe keqpërdori dokumentacionin e mbledhjes, duke i hedhur shkresat e mbledhjes drejt Kryetares së Komisionit.

Bazuar në Rregulloren e Kuvendit, neni 63 pika ç dhe neni 65/1, Sekretariati vendosi me 3 vota Pro dhe 2 Kundër, marrjen e masës disiplinore “Përjashtim nga pjesëmarrja në komisione dhe në seanca plenare për 5 (pesë) ditë”, për deputetin z. Gazmend Bardhi. Vendimi hyn në fuqi më datë 18.11.2022”.