Gjykata e Apelit në Shkodër ka dënuar ish-kryebashkiakun e Lezhës Fran Frrokaj e ish-kreun e qarkut Gjok Ndoka, lidhur me dosjen për tjetërsim e një sipërfaqeje 234 mijë metrash katrorë në zonën e Ranës së Hedhun në Shëngjin.
Përveç tyre, gjykata gjeti fajtorë edhe 15 persona të tjerë. Frrokaj e Ndoka u dënuan nga Apeli me nga 3 vite burg. Hetimet e dosjes në fjalë nisën në vitin 2017 pas një denoncimi në prokurori për tjetërsimin e sipërfaqes së lartpërmendur.
Gjok Ndoka është vëllai i ish-deputetit të Partisë Socialiste, Arben Ndoka, i larguar pasi u prek nga Ligji i Dekriminalizimit.
