Deputeti i Partisë së Lirisë, Petrit Vasili, ka reaguar pas deklaratës së djeshme të kryeministrit Edi Rama se qeveria po përgatit një nismë ligjore për tokat që lihen djerr.
Vasili e quan skandal dhe ligj mafioz pasi sipas tij do i rrëmbehet toka fermerëve për tia dhënë oligarkëve.
Sipas deputetit të PL-së asnjë fermer nuk e lë tokën pa punuar me dëshirën e tij, duke akuzuar qeverinë se po mbyt bujqësinë që ta falimentojë dhe që më pas t’ia rrëmbejë.
Postimi i plotë:
Skandali. Rama po përgatit ligj mafioz për rrëmbimin e tokës fermerëve për t’ja dhënë oligarkëve!
Edi Rama si gjymtyre e oligarkëve po përgatit rrëmbimin mafioz të tokës së fermerëve me gjoja sebepin se ka mbetur pa punuar.
Asnjë fermer nuk e lë asnjë metër katror tokë pa punuar me deshirën e tij.
Toka pa punuar mbetet vetëm për shkak të Edi Ramës dhe qeverisë, që në mënyrë të qëllimshme po e mbytin dhe asfiksojnë bujqësinë që ajo të falimentojë dhe më pas t’i rrëmbejnë tokën.
Qeveria me qëllimin mafioz për falimentimin e bujqësisë:
-vendosi TVSH për furnizimin me impute bujqësore (plehrat kimike, pesticidet, farat, fidanët etj).
-uli norma e kompensimit të prodhuesit bujqësore
-fermerët vuajnë çmimin e naftës 230 lekë për litër,
– çmimi i plehrat kimike është dy dhe trefishuar
– subvencioni i Bujqësisë ne Shqipëri me i ulëti i në Ballkan disa here me i ulet se Maqedonia dhe Kosova.
Te gjitha këto ja bëjnë te pamundur fermerëve te shesin prodhimet e tyre sepse dalin me humbje te mëdha dhe zhyten ne varfëri dhe mjerim.
Qeveria qëllimisht e ka renduar drejt falimentimit situatën, qe te beje ligj dhe tua rrëmbejë token për tua dhënë oligarkëve, qe te investojnë paratë e korrupsionit te qeverise.
Ne rast se qeveria do te merrte si hap te pare masat e mëposhtme do te shihnit se si asnjë pëllëmbë toke nuk do te lihej pa punuar
-Vendosjen e një çmimi fiks për naftën e fermerëve në vlerën 1 EURO/LITRI , si rajoni.
-Vendosjen e tavanit për çmimet e inputeve bujqësore.
-Riformulimin e skemës mbështetëse. Heqjen e të gjithë skemave që nuk shkojnë drejtpërdrejt tek fermeri.
-Dyfishimi i financimit të skemës mbështetëse si Kosova dhe rajoni.
-Heqja e dyshemesë dhe tavanit për skemat mbështetese( nr. krereve, sip. e mbjella).
