Një zjarr i madh ka përfshirë një linjë hekurudhore dhe disa shtëpi në Aguascalientes, në Meksikën qendrore. Kjo pas aksidentit të një kamioni me karburant që shkaktoi ndezjen e flakëve.
Videoja dramatike e zjarrit u bë virale në mediat sociale. Një video tregoi një tren mallrash mes flakëve.
Faqja e internetit El Universal e Meksikës thotë se më shumë se 1500 njerëz u evakuuan. Disa shtëpi dhe makina janë djegur nga zjarri.
Nuk ka raportime për të vdekur, por disa persona janë dërguar në spital.
Policia ka ndaluar drejtuesin e kamionit.
Një postim në Facebook i kryebashkiakut Leo Montañez flet për 300 shtëpi në zonën e përplasjes, 120 prej të cilave janë dëmtuar.
Nuk dihet saktësisht se si ndodhi përplasja. Raportet fillestare thanë se kamioni ishte përplasur me një tren, por agjencia e lajmeve Reuters tani thotë se kamioni goditi një mbikalim.
🚨 #AlertaADN
Tren embiste a pipa de Pemex que intentó ganarle el paso en la Colonia México y Casa Blanca en #Aguascalientes.El impacto provocó un incendio. Se desconoce el número de víctimas.
— adn40 (@adn40) October 20, 2022
Firma shtetërore e naftës Pemex ka mohuar të ketë në pronësi kamionin dhe thotë se po ndihmon në përpjekjet për të kontrolluar zjarrin.
Rreth 200 zjarrfikës po përpiqen të frenojnë flakët.
Një video e xhiruar nga një makinë e parkuar aty pranë tregoi një tren të gjatë ngarkesash që kalonte mes flakëve në të dy anët e trasesë.
Toma aérea del incendio de hoy en #Aguascalientes pic.twitter.com/A3YshoFo7p
— José Luis Morales (@JLM_Noticias) October 21, 2022
