Ministrja e Brendshme gjermane Nancy Faeser dëshiron të shkarkojë shefin e sigurisë kibernetike të vendit për shkak të kontakteve të mundshme me njerëz të përfshirë me shërbimet ruse të sigurisë, njoftuan mediat gjermane të dielën vonë, duke cituar burime qeveritare.
Arne Schoenbohm, president i Agjencisë Federale të Sigurisë së Informacionit BSI, mund të kishte pasur kontakte të tilla përmes Këshillit të Sigurisë Kibernetike të Gjermanisë, raportuan media të ndryshme.
Schoenbohm është një themelues i shoqatës, e cila numëron si anëtare një kompani gjermane që është një degë e një firme ruse të sigurisë kibernetike të themeluar nga një ish-punonjës i KGB-së, shkruan ata.
Schoenbohm nuk iu përgjigj menjëherë një mesazhi të dërguar atij përmes rrjeteve sociale.
As Ministria e Brendshme dhe as BSI nuk iu përgjigjën menjëherë kërkesave për koment.
“Këto akuza duhet të hetohen me vendosmëri.” – tha Konstantin von Notz, kreu i komitetit parlamentar të mbikëqyrjes për agjencitë e inteligjencës gjermane.
