Të premten, Florida Health Department, lëshoi udhëzime të reja për vaksinat mRNA kundër Covid duke rekomanduar që meshkujt e moshës 18 deri në 39 vjeç të mos i bëjnë. Bëhet fjalë për vaksinat e kompanive Pfizer-BioNTech (ose Comirnaty) dhe Moderna (ose Spikevax).
“Ata persona me probleme kardiake paraekzistuese, si miokarditi dhe perikarditi, duhet të kenë kujdes të veçantë kur marrin këtë vendim.” – vuri në dukje Florida Health. Duke shtuar: ‘vaksinat jo-mRNA nuk u gjetën të kenë këto rreziqe në rritje’.
Udhëzimi i ri vjen pas një analize mbarëkombëtare të banorëve të vaksinuar të Floridës, që zbuloi se ka një rritje prej 84% në incidencën relative të vdekjeve të lidhura me zemrën midis meshkujve të moshës 18-39 vjeç brenda 28 ditëve pas vaksinimit me vaksina mRNA.
“Studimi i sigurisë dhe efikasitetit të çdo medikamenti, duke përfshirë vaksinat, është një përbërës t i rëndësishëm i shëndetit publik.” – tha kirurgu i përgjithshëm Dr. Joseph Ladapo.
Analiza përdori një metodë, të quajtur SCCS (një seri rastesh të vetëkontrolluara), që vlerëson incidencën relative duke krahasuar incidencën gjatë një periudhe të përcaktuar me rrezik të lartë pas ekspozimit me incidencën gjatë një periudhe kontrolli (d.m.th., gjatë gjithë kohës në vijim). Metoda u zhvillua për të studiuar reagimet negative ndaj vaksinave. Përfshihen vetëm njerëzit që kanë përjetuar një efekt negativ. Koha e caktuar e vëzhgimit për secilin rast ndahet në periudha kontrolli dhe rreziku.
Florida Health përshtati metodën SCCS për të vlerësuar vdekjen si rezultat dhe u përpoq të ‘vlerësonte rreziqet e vdekshmërisë nga të gjitha shkaqet dhe të lidhura me zemrën pas vaksinimit Covid-19’ me një interes të veçantë në periudhën e rrezikut 28-ditor pas vaksinimit kundër Covid.
Studimi analizoi banorët e Floridës të moshës 18 vjeç e lart, të cilët vdiqën midis 15 dhjetorit 2020 dhe 8 dhjetorit 2021 dhe brenda 25 javëve nga marrja e një vaksine Covid.
Ai përjashtoi njerëzit që kishin një infeksion të dokumentuar Covid, kishin një vdekje të lidhur me Covid ose kishin marrë një dozë përforcuese të vaksinës Covid.
Janë vlerësuar dy rezultate: vdekjet me të gjitha shkaqet natyrore (d.m.th., duke përjashtuar vrasjet, vetëvrasjet dhe aksidentet) dhe vdekjet e lidhura me zemrën.
Studimi zbuloi se në 28 ditët pas vaksinimit nuk u vu re asnjë rritje e rrezikut për vdekjet nga të gjitha shkaqet, por se kishte një rritje statistikisht domethënëse në vdekjet e lidhura me zemrën e zbuluar për të gjithë popullsinë në studim. Rritja ishte dukshëm më e lartë për grupmoshat 35-39 vjeç dhe 60 vjeç e lart.
“Rezultatet nga analiza e shtresuar për vdekjet e lidhura me zemrën pas vaksinimit sugjerojnë se vaksinimi i mRNA mund të shkaktojë rritjen e rrezikut tek meshkujt, veçanërisht në mesin e meshkujve të moshës 18-39 vjeç.” – shkruajnë autorët e studimit.
Njoftimi për shtyp i Florida Health, i cili mund të shihet këtu, lexon si më poshtë.
Sot, kirurgu i përgjithshëm shtetëror Dr. Joseph A. Ladapo ka njoftuar udhëzime të reja në lidhje me vaksinat mRNA. Departamenti i Shëndetit në Florida (Departamenti) kreu një analizë përmes një serie rastesh të vetëkontrolluara, e cila është një teknikë e zhvilluar fillimisht për të vlerësuar sigurinë e vaksinave.
Kjo analizë zbuloi se ka një rritje prej 84% në incidencën relative të vdekjeve të lidhura me zemrën tek meshkujt 18-39 vjeç brenda 28 ditëve pas vaksinimit të mRNA. Me një nivel të lartë të imunitetit global ndaj COVID-19, përfitimi i vaksinimit ka të ngjarë të tejkalohet nga ky rrezik anormalisht i lartë i vdekjes së lidhur me zemrën tek meshkujt në këtë grupmoshë. Vaksinat jo-mRNA nuk u gjetën të kenë këto rreziqe në rritje.
Si i tillë, Kirurgu i Përgjithshëm Shtetëror rekomandon kundër vaksinimit të meshkujve të moshës 18 deri në 39 vjeç me vaksina mRNA. Ata me sëmundje kardiake paraekzistuese, si miokarditi dhe perikarditi, duhet të kenë kujdes të veçantë kur marrin këtë vendim.
Analizën mund ta gjeni këtu. Udhëzimi mund të gjendet këtu.
