Pas mbledhjes së sotme të qeverisë, ministri i Brendshëm, Bledi Çuçi tha se ndryshime janë bërë në radhët drejtuese të Shërbimit Informativ Shtetëror.
Çuçi tha se është emëruar nëndrejtori i ri, Oljan Kanushi.
Sipas tij, është bërë plotësimi i një vakance që sipas tij kishte mbetur prej kohësh peng i një konflikti me institucionin e Presidentit.
“Nuk kemi ndryshuar kreun e ri të SHISH-it, kemi emëruar nën drejtorin e SHISH-it Oljan Kanushi. Është bërë plotësimi i një vakance të mbetur peng prej kohësh për shkak të kontradiktave dhe konfliktit të lindur mes presidentit dhe SHISH-it me një vakancë që u plotësua sot me Oljan Kanushin.”– tha Çuçi.
Në nisje të fjalës së tij, ai njoftoi shkarkimin nga detyra të drejtorit të Përgjithshëm të Policisë, Gledis Nanos.
