Pas 9 orësh qëndrimi përpara prokurorëve të SPAK, Ilir Beqaj ka dalë nga ambientet e organit të posaçëm të akuzës.
Ilir Beqaj në një deklaratë të shkurtër për mediat pas daljes u tregua i rezervuar në atë çfarë mund të jetë pyetur nga oficerët e Byrosë Kombëtare të Hetimit.
Beqaj ka patur një deklarim të detajuar lidhur me koncesionin e sterilizimit gjatë kohës që ka qenë Ministër i Shëndetësisë.
Beqaj tha se është thirrur si personi që ka pasur në dijeni për dhënien e koncesionit. Ish-ministri theksoi se nuk i druhet përgjegjësisë penale
“Jam thirrur në cilësinë e çështjes që jam thirrur dhe kam dhënë përgjigjet e mia para 2 prokurorëve dhe BKH. Nuk i druhem përgjegjësisë penale.”-tha shkurt Beqaj