Luiza Guiga është shpallur kampione Ballkani në Kampionatin Ballkanik që po organizohet në Craiova të Rumanisë.
Gega madje ka vendosur edhe një rekord kampionati në garën e 3000 metrave me pengesa. Siç tregon dhe vetë, ajo ka regjistruar kohën 9.17.91, që është dhe koha e saj e dytë më e mirë në karrierë.
Sportistja shprehet në një postim në rrjet se është shumë e lumtur për fitoren dhe falenderon të gjithë ata që e kanë mbështetur në rrugëtimin e saj.
“Balkan champion = happy girl. Kampione Ballkani, rekord kampionati në garën 3000 m me pengesa me kohën 9.17.91 (koha ime e dytë më e shpejtë (ever). Shumë e lumtur për fitoren, për ndjesinë e mirë gjatë garës dhe më e motivuar se kurrë për objektivat e radhës.
Faleminderit të gjithëve që vazhdojnë dhe mbështesin rrugëtimin tim!” – shkruajti Gega.
View this post on Instagram
Ky sukses është i radhës, pas atij në Holandë. Kujtojmë se për kampionatin ballkanik në Rumani ajo refuzoi ftesën për në ‘Diamond League’ në Paris dhe mesa duket ka bërë zgjedhjen e duhur.
Në ditën e parë të Kampionatit Ballkanik të Atletikës të organizuar në stadiumin “Nicolae Mărăşescu” në Krajovë, Rumania fitoi 9 medalje, 5 ari, 2 argjendi dhe 2 bronzi.
