Vendosni fjalën kyçe....

Mashtrim për trajtim mjekësor falas në Itali e trafik barnash, 9 të arrestuar, 500 mijë euro të sekuestruara


Prokuroria Speciale ka njoftuar goditjen e një rrjeti kriminal të dyshuar anëtarët e të cilit akuzohen se kanë mashtruar sistemin kombëtar shëndetësor italian e kanë kryer korrupsion e trafi barnash me përmbajtje narkotike.

Sipas SPAK, gjatë ditës së parë të aksionit janë arrestuar nëntë persona, janë sekuestruar mbi 500 mijë euro si dhe barna me përmbajtje narkotike në vlerë 20 mijë euro.

Grupi i dyshuar sipas prokurorisë vepronte mes Milanos e Shqipërisë duke u ofruar qytetarëve shqiptarë trajtime të shtrenjta e rë panevojshme duke lejuar hyrjen e jashtëligjshme në vendin fqinj.

Sipas hetimit, qytetarët shqiptarë u pajisën me certifikate të rreme mbi nevojën e tyre për trajtim mjekësor urgjent në Itali ndërsa mjekët e korruptuar dyshohet se bashkëpunuan me grupin në këmbim të të hollave ose shërbimeve seksuale.

Të paktën 82 shtetas shqiptarë kanë përfituar shërbime të pamerituara mjekësore në Itali duke i shkaktuar dëm financiar vendit fqinj.

Si pjesë e grupit po hetohen edhe dy mjekë të QSUT-së. Bëhet fjalë për Aurel Vulën e Ilir Broqajn,

Njoftimi

“Mbështetur nga Eurojust, autoritetet gjyqësore dhe ligjzbatuese në Itali dhe Shqipëri kanë çmontuar një rrjet kriminal që dyshohet se ka kryer mashtrim ndaj sistemit kombëtar shëndetësor italian, korrupsionit dhe trafikut të barnave me përmbajtje narkotike. Gjatë një dite aksioni, janë arrestuar nëntë të dyshuar. U sekuestruan më shumë se 500 000 euro nga llogaritë bankare të të dyshuarve dhe barna me përmbajtje narkotike në vlerë prej 20 000 euro.

Grupi i Organizuar Kriminal dyshohet se vepronte mes provincës së Milanos, në Itali, dhe Shqipërisë. Me bashkëpunimin e mjekëve dhe infermierëve që punojnë në spitalet italiane. Grupi organizuar kriminal u ofronte qytetarëve shqiptarë një sërë shërbimesh mjekësore të shtrenjta dhe të panevojshme që do të lejojnë hyrjen e jashtëligjshme në Itali.

Hetimi dokumentoi lëshimin e çertifikatave të rreme mjekësore që vërtetojnë nevojën e shtetasve shqiptarë për trajtim urgjent mjekësor jetëshpëtues në Itali, gjë që i lejoi të hyjnë në vend dhe të marrin shërbime mjekësore dhe farmaceutike në kundërshtim me ligjin. Mjekët e korruptuar dyshohen se kanë bashkëpunuar me grupin e organizuar kriminal në këmbim të parave ose shërbime seksuale.

Anëtarët e grupit organizuar kriminal gjithashtu dyshohen se janë të përfshirë në trafikun e barnave me përmbajtje narkotike, që e kanë marrë në mënyrë të paligjshme nga sistemi kombëtar shëndetësor italian dhe janë shitur në Shqipëri. Disa nga këto barna me përmbajtje narkotike ishin përdorur për të trajtuar pacientët me COVID-19, të cilat ishin shumë të kërkuara gjatë pandemisë.

Nga hetimet u konstatua regjistrimi i parregullt në sistemin shëndetësor kombëtar italian i të  paktën 82 shtetasve shqiptarë ndërmjet janarit 2020 dhe qershorit 2021. Këta pacientë kanë marrë të paktën 383 shërbime ambulatore dhe 1,554 vizita të specializuara, qëndrime në spital dhe receta, në kundërshtim me ligjin.

Eurojust mbështeti autoritetet në Itali dhe Shqipëri me ngritjen dhe financimin e një skuadre  të përbashkët hetimore (SPH) në mars 2022. U organizuan gjithashtu dy takime koordinuese  nga Eurojust për të lehtësuar bashkëpunimin gjyqësor dhe për të ofruar mbështetje për koordiminimin e  hetimit.

Gjatë aksionit të përbashkët më 10 qershor, në Itali u arrestuan 6 (gjashtë) të dyshuar dhe u sekuestruan mbi 500 000 euro nga llogaritë bankare dhe barna me përmbajtje narkotike të të dyshuarve në vlerë prej 20 000 euro.

Sot më datën 10 Qershor 2022, Prokuroria e Posaçme kundër Korrupsionit dhe Krimit të Organizuar në bashkëpunim me Drejtorinë e Përgjithshme të Policisë së Shtetit, me praninë e Oficerëve të Policisë Italiane, në zbatim të Vendimit të Gjykatës së Posaçme të Shkallës së Parë për Korrupsionin dhe Krimin e Organizuar kanë kryer 11 (njëmbëdhjetë) kontrolle në ambjetet e banesave, zyrave shtetërore (QSUT) dhe të subjekteve tregtare. Gjatë kontrolleve janë gjetur dhe sekuestruar në cilësinë e provave materiale dokumente mjekësore në gjuhën italiane, medikamente mjekësore dhe pajisje kompjuterike dhe prova të tjera me rëndësi për hetimin.

Autoritetet e mëposhtme  që morën pjesë në këtë hetim:

Itali: Drejtoria e Qarkut Antimafia e Milanos

Shqipëri: Struktura e Posaçme Shqiptare Kundër Korrupsionit (SPAK).”