Gjiganti i teknologjisë Apple ka zbuluar sistemin e ri iOS 16, duke ofruar veçori të reja që e sjellin iMessage në linjë me aplikacionet e tjera të njohura të mesazheve. Prezantimi i bë gjatë Konferencës vjetore të zhvilluesve në mbarë botën të hënën.
I vendosur për publikim këtë vjeshtë në të gjitha modelet e iPhone 8 e lart, sistemi operativ përmirëson iMessage për t’i lejuar përdoruesit të modifikojnë dhe të mos dërgojnë tekstet e fundit brenda 15 minutave, të rikuperojnë mesazhet e fshira së fundi dhe të shënojnë bisedat si të palexuara.
Përmirësimi gjithashtu i lejon përdoruesit të sinkronizojnë riprodhimin e skedarëve audio ose video, në rast se ata preferojnë të konsumojnë media së bashku në vend që të flasin.
Ndërsa veçoritë janë të reja për iMessage, aplikacione të tjera si Telegram tashmë i lejojnë përdoruesit të modifikojnë dhe fshijnë mesazhet, ndërsa Google ofron një dritare të shkurtër kohore në të cilën përdoruesi i Gmail mund të anulojë dërgimin e një emaili.
Përdoruesit e Twitter, nga ana tjetër, ende lëngojnë duke mos pasur një buton redaktimi, pavarësisht lutjeve të tyre të përsëritura drejtuar drejtuesve të kompanisë.
Një veçori tjetër e iOS 16 që tërheq vëmendjen në WWDC është Kontrolli i Sigurisë, i cili supozohet të mbrojë përdoruesit që mund të jenë në marrëdhënie abuzive duke i lejuar individit të menaxhojë më mirë dhe të revokojë qasjen e aplikacionit dhe fjalëkalimit në të gjitha pajisjet e tyre Apple.
Kompania është kritikuar më parë nga avokatët e privatësisë për lehtësinë me të cilën gjurmuesit e saj AirTag, të destinuara për t’u lidhur me sendet personale si çelësat ose bagazhet, mund të keqpërdoren si një mjet i lirë për të ndjekur ose spiunuar dikë.
