Ekipet indoneziane të shpëtimit po kërkonin 26 persona të zhdukur të shtunën pasi një barkë me 43 persona në bord u përmbys në ishullin Sulawesi, tha agjencia e kërkim-shpëtimit.
Mjeti me motor që ishte larguar nga porti Paotere në Makassar, kryeqyteti i provincës Sulawesi Jugor, të enjten në mesnatë u raportua i zhdukur të nesërmen kur nuk arriti të mbërrinte në destinacionin e saj, njoftuan mediat lokale.
Pasagjerët e shpëtuar u morën nga rimorkiatorë dhe u dërguan në Banjarmasin në Kalimantan Jugor dhe Jeneponto në Sulawesi të Jugut, tha të shtunën shefi i agjencisë së kërkimit dhe shpëtimit në Sulaëesi të Jugut, Djunaidi.
Autoritetet thanë se ata mendojnë se aksidenti ishte shkaktuar nga mungesa e karburantit dhe moti i keq.
“Ne kemi konfirmim se anija ishte fundosur në zonën e kërkimit. Ne morëm informacione se 17 persona u gjetën dhe u shpëtuan duke kaluar në rimorkiatorë.” – tha Djunaidi.
Agjencia e motit të Indonezisë kishte paralajmëruar të enjten për valë deri në 2.5 metra në zonat e ngushticës së Makassar.
