Vendosni fjalën kyçe....

Dembele do largohet nga Barcelona, dështojnë negociatat për qëndrimin në Camp Nou


Ousmane Dembele do të largohet përfundimisht nga Barcelona.

Futbollisti francez nuk ka arritur marrëveshje me klubin spanjoll për vazhdimin e bashkëpunimit.

Sulmuesit të krahut do t’i skadojë kontrata muajin e ardhshëm dhe palët po negocionin për vazhdimin e saj.

Megjithatë, takimi i së hënës në mes të katalanasve, që u përfaqësuan nga Mateu Alemany dhe të lojtarit, që u përfaqësua nga Moussa Sissoko, nuk ka sjell fryte.

Ish-futbollisti i Borussia Dortmundit e ka refuzuar ofertën e fundit të gjigantit katalanas dhe largimi i tij nga “Camp Nou” duket se do të jetë i pashmangshëm.

Lajmin e ka bërë të ditur spanjollja “Sport”.

Pra, pas pesë vjetësh, 25 vjeçari do të largohet nga Barcelona pa lënë gjurmë, shkaku i lëndimeve dhe i formës së zbehtë.

Futbollisti francez e riktheu formën optimale sivjet dhe kjo bëri që Barça të tentojë ta mbajë në ekip.

Mirëpo, duket se në mendjen e Dembeles është Paris Saint-Germaini, i cili po ofron më shumë para për të.

Pra, nuk përjashtohet mundësia që lojtarin e krahut ta shohim duke luajtur në Ligue 1 nga edicioni i ardhshëm.