Zgjedhjet për kryetar të PD të degës në Bulqizë të cilat ishin planifikuar për t’u zhvilluar ditën e sotme, u anuluan.
Komisioni i Rithemelimit njoftoi se shtyrja është bërë për shkak se nuk u gjet frymë konsensuale për procedurat e zgjedhjeve.
Më tej Komisioni i Organizimit dhe Kontrollit të Operacioneve Elektorale, ka bërë me dije se në vijim do të njoftohet për datën e re të organizimit të zgjedhjeve në këtë degë.
Ndërkohë procesi i zgjedhjeve po zhvillohet në pesë degë në vend, në Krujë, Belsh, Maliq, Tiranë14 dhe Vorë.
