Vendosni fjalën kyçe....

Përplasje të ashpra Berisha-Alibeaj në PD: Je peng i Taulant Ballës…Peng je ti


Me debate të ashpra është zhvilluar mbledhja e grupit parlamentar të PD-së mëngjesin e sotëm.

Përplasja është zhvilluar mes kreut të grupit parlamentar Alibeaj e ish-kryeministrit Berisha të cilët kanë lëshuar akuza respektive.

Berisha i është drejtuar Alibeajt duke i thënë se është peng i Taulant Ballës ndërsa i atypëratyshëm ka qenë përgjigjia e këtij të fundit duke iu kthyer Berishës me të njëjtën shprehje, se peng është ai vetë, shkruan BW.

Debatet

Berisha: Je i përzgjedhur i Taulant Ballës dhe nuk je i përzgjedhur nga Grupi Parlamentar. Edhe Rama s’të përfill. Të mbajnë peng. Nuk ke mandat sepse je i zgjedhur i Taulant Ballës.

Alibeaj: Peng je ti!

Noka: Mos i fol ashtu…

Alibeaj: Me fyerje personale mos të vazhdojë.

Berisha: Ai që ndjehet opozitar i vërtetë nuk mund të imagjinojë kurrë të marrë pjesë në një proces mafioz të zarfeve sekrete. Kemi të bëjmë me një nënshtrim të opozitës që zhvillohet me e-mail dhe zarfe sekrete, vendos turpin e vet. Është e tëra në funksion të Edi Ramës dhe ne nuk mund të bëjmë se jemi pyetur.

Ka rregull për të qenë opozitë e vërtetë dhe ka rregulla shumë të qarta. Kur ai deputetëve të vetë u fut zarfin sekret, një metodë mafioze, tipike, ne s’kemi punë me të. Cilido që mendon ndryshe bën lojën e tij. Ç’punë kemi ne? Po të hapte garë dhe t’u thoshte që opozita do ta ketë presidentin atëherë do të mblidhej me opozitarët e tjerë dhe do diskutonim nëse do e pranonim apo jo.

Në këtë mënyrë vetëm në shpellat e mafies veprohet kështu. Të kujton përrallat me sumbulla të sheikëve të sulltanëve. Po përdhoset institucioni i Presidencës dhe i shqiptarëve. Nuk ke besimin në asnjë hap të PD. Je në funksion të Lulzim Bashës dhe Edi Ramës.