Delegacionet e Federatës Ruse dhe Ukrainës sapo kanë filluar raundin e dytë të negociatave. Takimi mes dy palëve sikurse ishte lajmëruar më herët nga kreu i delegacionit rus, Vladimir Medinsky, po mbahen në Belovezhskaya Pushcha, Bjellorusi.
Second round of talks between #Russia & #Ukraine kicked off just now: pic.twitter.com/je2k8RtOvR
— Sajid Nadeem (@sajid_nadeem78) March 3, 2022
Siç ka raportuar agjencia e lajmeve ruse TASS, delegacioni ukrainas kishte mbërritur më herët në vendin e bisedimeve me helikopter.
Kujtojmë se raundi i parë i bisedimeve u zhvillua më 28 shkurt, në rajonin Gomel të Bjellorusisë dhe zgjati pesë orë. Delegacioni rus udhëhiqej nga ndihmësi i presidentit Vladimir Medinsky, i cili tha se delegacioni rus ishte i gatshëm të bisedojë me palën ukrainase për aq kohë sa mund të duhet për të arritur një marrëveshje.