Vendosni fjalën kyçe....

Përshtati lokalin për lojëra fati, arrestohet 57-vjeçari në Elbasan e procedohen 10 klientë


Një 57-vjeçar është arrestuar në Elbasan pasi akuzohet se se kishte kthyer lokalin në pronësi të tij një vend për zhvillimin e lojërave të paligjshme të fatit.

Në pranga ka rënë personi me iniciale A.P., ndërsa janë proceduar penalisht në gjendje të lirë edhe 10 klientë që u kapën brenda lokalit në lagjen ‘5 Maji’.

Njoftimi

“Finalizohet operacioni policor i koduar “Poker”, për goditjen e veprimtarisë në fushën e lojërave të fatit.

Operacioni nga Komisariati i Policisë Elbasan, në bashkëpunim me Forcat Operacionale të DVP Elbasan.

Vihet në pranga pronari i një lokali, i cili e kishte vendosur lokalin në dispozcion për ushtrimin e aktivitetit të kundërligjshëm të lojërave të fatit. Procedohen penalisht edhe 10 shtetas të tjerë, klientë në lokal.

Në kuadër të kontrolleve të ushtruara në lokale dhe ambiente të ndryshme, me qëllim evidentimin dhe goditjen e rasteve të ushtrimit të lojërave të fatit, bazuar dhe në informacionet e marra në rrugë operative, shërbimet e Komisariatit të Policisë Elbasan, në bashkëpunim me shërbimet operacionale të DVP Elbasan, kapën dhe arrestuan në flagrancë shtetasin:

A.P., 57 vjeç, banues në lagjen “5 Maji”, Elbasan, pronari i lokalit ku ushtrohej veprimtaria e kundërligjshme e lojërave të fatit.

Gjithashtu u proceduan penalisht në gjendje të lirë shtetasit V. T., D. S., M. G., Sh. H., P. B., S. D., A. B., K. C., B. K. dhe B. L., klientë në lokalin e shtetasit A. P., të cilët u kapën në flagrancë duke ushtruar aktivitetin e kundërligjshëm të lojërave të fatit.

Në cilësinë e provës materiale u sekuestruan një tavolinë pokeri, çipsa, zare, letra bixhozi, lekë dhe sende të tjera. Materialet u rereferuan në Prokurorinë pranë Gjykatës së Shkallës së Parë Elbasan, për veprime të mëtejshme.”