Një djalë pesëvjeçar maroken, i cili mbeti i bllokuar në një pus për katër ditë, ka vdekur, pavarësisht përpjekjeve të mundimshme për ta shpëtuar.
Përpjekjet për të shpëtuar djalin e quajtur Rayan, kishte mbajtur gjithë vendin në ankth, pasi me qindra njerëz ishin mbledhur pranë punës dhe mijëra të tjerë që ndiqnin live në internet.
Ekipet e shpëtimit e nxorën më në fund djalin nga pusi mbrëmjen e së shtunës, shkruan BBC.
Asnjë fjalë nuk ishte dhënë në atë kohë për gjendjen e tij, dhe shpëtimi i dukshëm fillimisht u prit me brohoritje nga turma.
Në mediat sociale, njerëzit që kishin përdor hashtagun #SaveRayan (Shpëtoni Rayan-in), shprehën gëzimin e tyre përmes postimesh.
Por kjo iu kthye në zemërim pak minuta më vonë kur u publikua njoftimi se Rayan kishte vdekur.
Në një postim në Facebook, reagoi edhe presidenti francez Emmanuel Macron: “Sonte, dua t’i them familjes së Rayan-it të vogël dhe popullit maroken se ne ndajmë dhimbjen e tyre”.
Deklarata nga pallati mbretëror e përshkruan vdekjen e Rayan si një “aksident tragjik”, duke shtuar: “Madhështia e tij Mbreti Mohammed VI thirri prindërit e djalit që vdiq pasi ra në pus”.
Mbreti u kishte shprehur atyre “ngushëllimet e tij më të thella dhe dhembshurinë e sinqertë”.
Babai i Rayan-it kishte qenë duke riparuar pusin në momentin e aksidentit të martën. Ai u tha mediave lokale të nesërmen se djali i tij ishte rrëzuar aty në “një moment kur i hoqa sytë nga ai”. Ai ka treguar se që nga ai moment nuk ka vënë gjumë në sy.
