Policia e Shkodrës ka identifikuar dhe shpallur në kërkim dy vëllezërit që dyshohet se kanosën 60 vjeçarin për motive pronësie dhe qëlluan me armë zjarri në ajër në oborrin e banesës së tij,
Ngjarja ndodhi në fshatin Kasnec të Shkodrës ndërsa shtetasit P.A 54-vjeç dhe N.A 46-vjeç banues në fshatin Dukagjin i Ri Krujë u shpallën në kërkim.
Sipas policisë këta shtetas kanë qëlluar me armë zjarri në ajër në banesën e shtetasit N.U 60 vjeç për motive pronësie.
“Më datë 26.01.2022, rreth orës 19:05, në fshatin Kasnec, Njësia Administrative Pult, Bashkia Shkodër, shtetasit P. A., 54 vjeç dhe N. A., 46 vjeç (vëllezër), banues në fshatin Dukagjin i Ri Krujë, për motive pronësie kanë kanosur shtetasin N. U., 60 vjeç, banues në fshatin Kasnec Shkodër, dhe kanë qëlluar me armë zjarri në ajër në oborrin e banesës së tij.
Shërbimet e Policisë me marrjen e njoftimit kanë shkuar mënjëherë në vendin e ngjarjes dhe vijon krehja e zonës me qëllim kapjen e autorëve.
Grupi hetimor po punon për sqarimin e rrethanave të ngjarjes”-njofton policia.
