Kryebashkiaku i Tiranës Erion Veliaj është filmuar duke shantazhuar gazetarin e televizionit “Ora News” Isa Myzyraj.
Gazetari që kishte ftesë të ndiqte aktivitetin e mbjelljes së pemëve ku të pranishëm ishin edhe disa diplomatë të huaj në vendin tonë, po i drejtonte pyetje Veliajt. Por ky i fundit iu përgjigj me fyerje ndaj tij dhe pronarit të medies: “Si nuk ke turp! Si i thua prindërve të tu që punon për një trafikant droge. Punon për një trafikant droge”.
Truprojat e tij ndërhynë për ta mbrojtur Veliajn nga mikrofoni, duke u bërë mur ndaj gazetarit.
Në këtë aktivitet të mbjelljes së 1 mijë pemëve, ishin të pranishëm përfaqësues nga BE-ja, BERZH-i si dhe ambasadori i Austrisë në vendin tonë, Christian Steiner.
Pjesë nga Debati:
Gazetari: Dua të marr zotin Veliaj për ta pyetur për interesat e qytetarëve.
Truprojet përpiqen ta ndalojnë
Erion Veliaj: Puno për trafikantin e drogës, do mbaroj punën time
Gazetari: Edhe unë po bëj punën time. Më kthe përgjigje për pyetjet e mija. Unë jam gazetar zoti Veliaj.
….
Erion Veliaj: Ej … Do pushosh.. Do rrish urtë.. Material legenash
Gazetari: Material legenash unë nuk jam zoti Veliaj. Unë jam gazetar. Flit në anglisht që të të kuptojnë ambasadorët.
Erion Veliaj: Po në anglisht unë të fëlliq ty.
Ndërhyn një personel i Veliajt: Ik mor plak se është për të ftuarit e jo për ty.
Isa Myzyraj: Dua ta dëgjoj.
….
Erion Veliaj: E di sa koka ka prerë Ylli Ndroqi para teje, ti je i dhjeti. Ti je lecka e radhës
Gazetari: Unë nuk kam punë me Ylli Ndroqin. Unë jam gazetar.
Erion Veliaj: Të të vijë turp që jeton me lekë droge. Të të vijë turp
Gazetari: Çfarë jam unë!
