Vendosni fjalën kyçe....

Stuhi vdekjeprurëse në Kanada, ministri: Nuk kam dyshime që lidhet me ndryshimet klimatike


Një ministër kanadez ka thënë se ai “nuk ka dyshime” se një stuhi vdekjeprurëse në British Columbian është e lidhur me ndryshimet klimaterike.

Mijëra u evakuuan pas shirave të dendur që krijuan përmbytje.

Stuhia ndërpreu lidhjet rrugore dhe hekurudhore dhe shkaktoi ndërprerje masive të energjisë elektrike.

Një person ka humbur jetën si pasojë e rrëshqitjes së dheut dhe të paktën dy të tjerë rezultojnë të zhdukur.

Mike Farnworth, ministri lokal i sigurisë publike, u tha gazetarëve se “nuk kishte dyshim se këto janë ngjarje të lidhura me klimën”.

Ndikimi i ndryshimit të klimës në frekuencën e stuhive është ende i paqartë, por ne e dimë se temperaturat e rritura të sipërfaqes së detit ngrohin ajrin sipër dhe prodhojnë më shumë energji të disponueshme për të nxitur uraganet, ciklonet dhe tajfunet. Si rezultat, ato ka të ngjarë të jenë më intensive me reshje më ekstreme.

Bota tashmë është ngrohur me rreth 1.2 C që nga fillimi i epokës industriale dhe temperaturat do të vazhdojnë të rriten nëse qeveritë në mbarë botën nuk bëjnë shkurtime të mëdha të emetimeve.

Moti ekstrem në Kanada vjen disa ditë pasi liderët botërorë u takuan për konferencën e klimës COP26 në Glasgow.

I njëjti rajon, British Columbia, pësoi një valë të nxehtë rekord të lartë gjatë verës që vrau më shumë se 500 njerëz dhe zjarret që shkatërruan një fshat të tërë.