Kina ka kaluar SHBA-në si kombi që ka grumbulluar vlerën më të madhe neto me rritjen e pasurisë globale, sugjeron një raport i ri nga McKinsey & Co.
Pasuria e Kinës është rritur shumë gjatë dy dekadave të fundit, tha kompania konsulente sipas Bloomberg, duke shpjeguar se vlera e saj neto u rrit me 17 herë nga 7 trilion dollarë në vitin 2000 në 120 trilion dollarë në vitin 2020.
Vendi përbënte rreth një të tretën e rritjes së vlerës neto globale gjatë asaj periudhe. Në vitin 2000, Kina iu bashkua Organizatës Botërore të Tregtisë, e cila përshpejtoi ngritjen e saj ekonomike.
Shtetet e Bashkuara panë se pasuria e saj u dyfishua gjatë të njëjtës periudhë kohore. Uashingtonit iu desh t’i linte vendin Pekinit në listën e 10 vendeve më të pasura pasi vlera e tij neto arriti vetëm në 90 trilion dollarë në vitin 2020, thotë McKinsey.
Në të dyja vendet, më shumë se dy të tretat e pasurisë së grumbulluar janë në xhepat e 10% të familjeve më të pasura, thuhet në raport, duke shtuar se kjo pjesë ka ardhur duke u rritur.
Në total, pasuria globale arriti në 514 trilion dollarë në vitin 2020, nga 156 trilionë dollarë në vitin 2000.
