Ish-presidenti i Shteteve të Bashkuara të Amerikës, Donald Trump, bën thirrje që të mos braktiset marrëveshja e Washingtonit Kosovë-Serbi, e arritur gjatë kohës që ai ishte shef i Shtëpisë së Bardhë.
Trump ka publikuar një deklaratë për mediat, gjatë vizitës së ish-të dërguarit të tij Richard Grenell në kufirin Kosovë-Serbi.
Trump thotë se populli i Kosovës dhe ai i Serbisë kanë kapërcyer pengesa të mëdha në ndjekje të normalizimit ekonomik, ndërsa shton që marrëveshjet e ndërmjetësuara nga administrata e tij janë historike dhe nuk duhet të braktisen.
“Populli i mrekullueshëm i Serbisë dhe Kosovës kanë kapërcyer pengesa të mëdha në ndjekje të normalizimit të tyre ekonomik. Marrëveshjet e ndërmjetësuara nga administrata ime janë historike dhe nuk duhet të braktisen, shumë jetë janë në pikëpyetje. Rajoni është shumë i rëndësishëm dhe njerëzit kanë pritur shumë gjatë që kjo punë të lihet mënjanë.”- thuhet në deklaratën e publikuar nga drejtori për komunikim i tij, Taylor Budowich.
Trump thotë seGrenell e vizitoi kufirin Kosovë – Serbi pikërisht për të theksuar marrëveshjen e arritur në Shtëpinë e Bardhë.
“Sot, i dërguari im ambasadori Richard Grenell vizitoi kufirin Kosovë-Serbi për të theksuar këtë marrëveshje të rëndësishme. Ashtu siç dëshmuam në Lindjen e Mesme me Marrëveshjet e Abrahamit, paqja dhe normalizimi ekonomik është i mundur, por kërkon një përpjekje të sinqertë dhe udhëheqje të palëkundur. Paqja është e mundshme, mos u dorëzoni – prosperiteti afatgjatë për këto dy kombe është në pikëpyetje!”- shkruan ish-presidenti amerikan.
45: The great people of Serbia and Kosovo have overcome tremendous obstacles in their pursuit of economic normalization. The agreements my administration brokered are historic and should not be abandoned, many lives are at stake. pic.twitter.com/BIs3lI5jjf
— Taylor Budowich (@TayFromCA) November 11, 2021
