Vendosni fjalën kyçe....

Dymbëdhjetë meshkuj transgjinorë të dënuar për krime seksuale zhvendosen në burgjet e grave në Skoci në 18 muajve të fundit


Një duzinë transgjinorësh të burgosur të dënuar për krime të dhunshme dhe seksuale kanë vuajtur dënimin në burgjet e grave në Skoci, sipas të dhënave zyrtare. Njëra ka përfunduar tranzicionin gjinor dhe pjesa tjetër thjesht identifikohet si femër.

Shifrat, të cilat tregojnë se 12 të burgosurit janë zhvendosur në burgjet e grave gjatë 18 muajve të fundit, u bënë publike sipas Ligjit për Lirinë e Informacionit. Një tjetër person, i cili po kalon nga femër në mashkull, po strehohet në një burg për meshkuj.

Zbulimi vjen pas një rishikimi të shumëpritur të politikës në lidhje me të burgosurit transgjinorë nga Shërbimi i Burgjeve Skoceze (SPS). Ishte planifikuar të fillonte në fillim të vitit 2021, por është shtyrë disa herë për shkak të pandemisë së koronavirusit.

Sipas rregullave të tanishme, të cilat kanë qenë në fuqi që nga viti 2014, një i burgosur duhet thjesht të deklarojë veten një grua transgjinore për të aplikuar për një transferim nga një institucion për meshkuj në një institucion për femra.

Megjithatë, aktivistët kanë kërkuar prej kohësh që autoritetet e burgut skocez të shfuqizojnë politikën, e cila u lejon të burgosurve të vetëidentifikohen pa pasur nevojë për një certifikatë të njohjes gjinore. Ata pretendojnë se është e paligjshme dhe potencialisht e dëmshme për femrat biologjike pas hekurave.

“Dëshmitë tregojnë qartë se aty ku të burgosurit e seksit mashkull, pavarësisht se si identifikohen, mbahen në burgjet e grave, gratë në burg ndikohen negativisht”, tha për ‘The Times’, Dr. Kate Coleman, drejtore e Keep Prisons Single Sex.