Cristiano Ronaldo do të bëhet baba i gjashtë fëmijëve në fillimin e sezonit të ardhshëm në Premier League, pasi njoftoi se bashkëshortja e tij pret binjakë, duke e ndarë lajmin në shtrat me të dashurën Georgina Rodriguez.
Kapiteni i Portugalisë, Ronaldo dhe e dashura për një kohë të gjatë, Rodriguez, zgjodhën të zbulojnë surprizën në një postim tipik në rrjetet sociale, të shtrirë pranë njëri-tjetrit me lojtarin topless dhe partneren e tij të mbuluar nga një çarçaf.
36-vjeçari pasqyroi buzëqeshjen e Rodriguez-it teksa mbajti një ekografi të foshnjave, duke marrë me shpejtësi urimet nga njerëzit e famshëm dhe sportistët, përfshirë llogarinë zyrtare të klubit të tij të ri, Manchester United.
“Me kënaqësi ju njoftojmë se po presim binjakë.” – u shpreh dyshja.
“Zemrat tona janë plot me dashuri, mezi presim t’ju takojmë.”
Ronaldo dhe Rodriguez u zhvendosën në Anglinë veriperëndimore kur legjenda e klubit bëri një rikthim shokues te gjigantët anglezë nga Juventusi në fund të gushtit.
Djali më i vogël i sulmuesit, Cristiano Jr, lindi në SHBA në vitin 2010, dhe ai kishte binjakë, vajzën Eva dhe djalin Mateo, nëpërmjet një nëne zëvendësuese në vitin 2017.
Rodriguez solli në jetë vajzën e tyre, Alana Martina, në nëntor të atij viti.