Ndërsa ditën e djeshme nuk ka humbur jetën asnjë, në 24 orët e fundit në Kosovë u shënuan 4 viktima të reja si pasojë e koronavirusit.
Kjo u konfirmua pak më herët nga Ministria e Shëndetësisë. Ndërkohë numri i rasteve të reja ka rënë ndjeshëm.
“Në 24 orët e fundit janë dhënë 14.901 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 1.447.040 doza të vaksinës.
Deri më sot 623.183 qytetarë janë vaksinuar me dozën e dytë.
Nga 2.481 testime, 12 qytetarë kanë rezultuar pozitiv me virusin COVID-19.
Gjatë 24 orëve të fundit, janë shënuar 4 raste të vdekjes.
Sot janë shëruar 77 qytetarë, derisa numri i përgjithshëm i të shëruarve është 156.259. Në total numri i rasteve aktive është 1.157.”- bën me dije Ministria e Shëndetësisë në Kosovë.