Qindra qytetarë kanë protestuar për të tretën të shtunë radhazi në sheshin ‘Nënë Tereza’ kundër vaksnimit të detyrueshëm në vend.
Ata lëshuan akuza në drejtim të kryeministrit Rama e Komitetit të Ekspertëve për vendimet e marra. Qytetarët u mblodhën në sheshin para Akademisë së Arteve dhe morën fjalën me radhë për të shprehur kundërshtinë ndaj vendimit të qeverisë për vaksinimin e detyrueshëm të popullatës.
Më pas ata marshuan në bulevardin ‘Dëshmorët e Kombit’ e u ndalën për disa çaste poshtë godinës së kryeministrisë duke thirrur ‘Jo vaksinë me detyrim’, ‘Poshtë diktatura’, ‘Policët vëllezërit tanë’ e ‘Poshtë George Soros’.
Në fund të protestës, policia ndaloi kreun e Partisë Shqiptare Atdheu e aktivistin, Kreshnik Osmani.
*Video Credit: Kastriot Çipi
