Tre policë jaë lënduar pas një aksidenti të ndodhur në rrugën Milot-Morinë.
Makina e drejtuar nga 35-vjeçari E.A., banues në Angli është përplasur me mjetin tip ‘Ford’ me të cilin udhëtonin tre efektivë të policisë së Kukësit.
Këta të fundit janë në spitalin e Mirditës jashtë rrezikut për jetën.
Njoftimi
“Mirditë/Informacion paraprak
Më datë 17.09.2021, rreth orës 20:10, në aksin rrugor Milot-Morinë, në afërsi të një karburanti mjeti me drejtues shtetasin E.A., 35 vjeç, banues në Angli është përplasur me automjetin e policisë tip “Ford”, ku për pasojë kanë marrë dëmtime të lehta 3 punonjës Policie të DVP Kukës, të cilët po marrin mjekim në spitalin e Mirditës. Grupi hetimor, nën drejtimin e Prokurorisë Lezhë, po kryejnë veprimet hetimore për zbardhjen e plotë të rrethanave të ngjarjes.”
