Vendosni fjalën kyçe....

Kina ndalon shfaqjen në televizion të burrave që nuk duken si meshkuj


Qeveria kineze ka ndaluar burrat që ngjasojnë me femrat në TV dhe u tha transmetuesve të enjten të nxisnin ‘kulturën revolucionare’, duke zgjeruar një fushatë për të forcuar kontrollin mbi biznesin dhe shoqërinë dhe për të forcuar moralin zyrtar.

Presidenti Xi Jinping ka bërë thirrje për një ‘përtëritje kombëtare’, me kontroll më të fortë të Partisë Komuniste mbi biznesin, arsimin, kulturën dhe fenë. Kompanitë dhe publiku janë nën presion në rritje për t’u përshtatur me vizionin e tij për një Kinë më të fuqishme dhe shoqëri më të shëndetshme.

Masat kanë zvogëluar qasjen e fëmijëve në lojërat online dhe po përpiqet të shkurajojë atë që ajo e sheh si vëmendje jo të shëndetshme për të famshmit.

Mediat duhet ‘t’i japin fund me vendosmëri burrave që duken si gratë dhe estetikës jo të zakonshme’, thuhet në qëndrimin e qeverisë.

Kjo pasqyron shqetësimin zyrtar se yjet e popit kinez, të ndikuar nga pamja e hijshme dhe në modë e disa këngëtarëve dhe aktorëve të Koresë së Jugut dhe Japonisë, nuk po arrijnë të nxisin të rinjtë e Kinës të jenë më meshkuj.

Qeveria e Xi gjithashtu po forcon kontrollin mbi industritë kineze të internetit.

Rregullat që hynë në fuqi të mërkurën kufizojnë këdo nën 18 që të mos luajë më shumë se tre orë lojëra online.

Zhvilluesve të lojërave tashmë u kërkohet të paraqesin lojërat e reja për miratim nga qeveria para publikimit.

Përgatiti për Hashtag.al, Klodian Manjani