Të tjera detaje bëhen me dije lidhur me arrestimin e kryebashkiakut të Lushnjës, Fatos Tushe, i cili dyshohet për korrupsion.
Sipas televizionit “News 24”, në zyrën e Tushes janë rreth 30 policë që ushtrojnë kontrollet e tyre, ndërsa punonjësit janë mbyllur nëpër zyrat e tyre dhe nuk i lënë të dalin jashtë institucionit.
Ata po verifikojnë dokumentet, ndërkohë që kryebashkiaku Tushe po merret në pyetje në komisariat.
Tushe u arrestua mëngjesin e sotëm pas një operacioni të urdhëruar nga SPAK. Ai akuzohet se ka dhënë leje ndërtimi të paligjshme për subjekte dhe individë të caktuar duke shfrytëzuar pozitën e tij si kryebashkiak i Lushnjës.
Mësohet se para arrestimit, Tushe ka zhvilluar sotëm një mbledhje me vartësit e tij dhe sapo ka përfunduar ky takim, policia i zbarkoi në zyrë.
Përveç kryebashkiakut Tushe ka edhe zyrtarë të tjerë të shoqëruar apo arrestuar gjatë këtij operacioni.
TË ARRESTUARIT:
Fatos Tushe
Flamur Peqini
Xhemal Hasko
Blerta Turuku
Ani Simoni
Andri Mushaj
Margarita Gjermeni
Bujar Murati
Ibrahim Lami
Xhemal Hasko
Gazment Çela
