Kryeministri Edi Rama këtë mëngjes ka publikuar një foto nga maketi i sapopërfunduar për ndërtimin e portit të Durrësit.
Sipas tij, ky port që u ndërtua në studion urbanistike të Emaar Group në Dubai do të jetë një prej porteve më të mëdha turistike në të gjithë Mesdheun.
“Mirëmëngjesi dhe me maketin e sapo përfunduar në studion urbanistike të Emaar Group në Dubai, për transformimin e Portit të Durrësit në një prej porteve më të mëdha turistikë të Mesdheut, ju uroj një javë të mbarë.”- shkruan kryeministri Rama.
Prezantimi i planit për ndërtimin e këtij porti të ri u bë më 16 prill, që Rama tha se do të jetë një investim prej 2 miliard eurosh nga kompania e lartpërmendur.