Arabia Saudite ka ekzekutuar një 26-vjeçar për krime në lidhje me trazirat qeveritare, që ai dyshohet se i ka kryer ndërsa ishte i mitur, thanë grupet e të drejtave të Amnesty International dhe Reprieve, duke dënuar ekzekutimin.
Sipas Amnesty International, Mustafa al-Darwish mund të ketë qenë ende i mitur kur ai mori pjesë në trazirat në vend midis 2011 dhe 2012. Ai u dënua me vdekje në mars 2018.
“Duke qenë se fleta zyrtare e akuzave nuk specifikon muajin e saktë të krimeve të pretenduara që kanë ndodhur, Mustafa al-Darëish mund të ketë qenë 17 ose 18 vjeç në atë kohë.” – tha Amnesty International.
Organizata e të drejtave me bazë në Londër, Reprieve gjithashtu tha se al-Darëish ishte 17 vjeç kur ai pretendohet se ka kryer këto shkelje.
Qeveria Saudite tha se al-Darwish ‘formoi një qelizë terroriste me qëllim vrasjen e personelit të sigurisë’ midis krimeve të tjera.
Ministria e Brendshme e Arabisë Saudite konfirmoi se al-Darwish u ekzekutua në Dammam të martën, sipas agjencisë shtetërore Saudi Press (SPA). Në raportin e SPA-së nuk përmendet mosha e al-Darwish-it.
Reprieve tha në një deklaratë se familja e al-Darëish nuk mori asnjë njoftim paraprak për ekzekutimin dhe e morën vesh më pas duke lexuar lajmet në internet.
