Ministri i Brendshëm Çuçi i kërkon Inspektoriatit të Lartë të Drejtësisë e Këshillit të Lartë Gjyqësor që të marrin masa ndaj gjyqtarit Elidon Papazisi.
Sipas Çuçit, gjyqtari i Gjykatës Administrative të Shkallës së Parë në Gjirokastër, ka marrë disa vendime që kanë penguar aksionin e IKMT-së e Policisë së Shtetit për prishjen e ndërtimeve të paligjshme në bregdet.
Sipas kreut të Ministrisë së Brendshme, vendimet e gjyqtarit, sipas analizës së strukturave te Ministrisë së Brendshme janë në kundërshtim me parimet e drejtësisë dhe në thyerje të ligjit.
Ministri i Brendshëm u kërkon autoriteteve të gjyqësorit të marrin në shqyrtim dhe inspektojnë bazueshmërinë në ligj të vendimeve të gjyqtarit, duke hedhur dyshimet se ato kanë favorizuar interesat klienteliste.
