Rreth 34 mijë maturantë do t’i nënshtrohen sot provimit të dytë të Maturës Shtetërore, ku do të testohen për Gjuhe shqipe dhe Letërsinë.
Provimi nis në orën 10:00 dhe përfundon në 12:30. Ndryshe nga viti i kaluar kur për shkak të pandemisë kohëzgjatja e provimit ishte 2 orë, këtë vit do të jetë 2:30 minuta.
Edhe këtë vit maturantët do të duhet të zbatojnë rregullat anti-covid.Nuk do të lejohet që në një klasë të ketë më shumë se 13 nxënës.
Nëse maturanti ditën e provimit do të jetë i infektuar me Covid, nuk do të futet në provim por do të ketë mundësi që ta japë në sezonin e vjeshtës.
Testi në total ka 60 pikë dhe pragu i kalueshmërisë është 25% (15 pikë). Maturanti nuk lejohet të ketë telefon me vetë, nëse konstatohet me telefon do të përjashtohet nga provimi. Ditën e provimit duhet të kenë me vete mjetin identifikues.
Pas provimit të Gjuhës së huaj të mbajtur më 3 qershor dhe këtij të sotëm për Gjuhën Shqipe dhe Letërsinë, maturantët do të kryejnë edhe testin
Matematikës në 11 Qershor si dhe Lëndën me Zgjedhje më 15 Qershor.
