Vaksina anti-covid Sputnik V e Rusisë ende nuk është regjistruar në Bashkimin Evropian për shkak të presionit politik nga udhëheqësit e bllokut. Ky ka qenë qëndrimi i Sergey Naryshkin, kreut të Shërbimit të Inteligjencës së Jashtme të vendit (SVR).
Duke folur në televizionin kombëtar, spiuni i lartë rus tha se Agjencia Evropiane e Barnave (EMA) po ‘zvarrit këmbët’ për shkak të ndikimit nga maja e BE-së dhe jo për shkak të ndonjë shqetësimi të mirëfilltë shkencor.
“Unë nuk dua të fajësoj ekspertët dhe specialistët e Agjencisë Evropiane të Barnave”, tha Naryshkin.
“Por ne me siguri e dimë që kjo zvarritje ka të bëjë me sinjale që vijnë nga lart në Bashkimin Evropian.”
EMA ka studiuar Sputnik V për disa kohë dhe filloi të rishikojë zyrtarisht vaksinën në mars. Fondi Rus i Investimeve Direkte, i cili financoi vaksinën, pretendon se ajo ka treguar efektivitet prej 97.6% në atë që e quajti një ‘studim në botën e vërtetë’.
Një vlerësim i botuar në shkurt në revistën mjekësore britanike ‘The Lancet’ tregoi efikasitet prej 91.6%.
