Këngëtarja amerikane Lady Gaga është hapur në një intervistë për një nga momentet më të vështira të jetës së saj, përdhunimi nga një producent dhe një shtatzëni e padëshiruar si rezultat i kësaj.
Siç shkruan BBC, këngëtarja ishte 19-vjeçe kur u abuzua seksualisht nga një producent i cili sipas saj e kishte kërcënuar se do t’i digjte karrierën nëse ajo nuk do të zhvishej.
Ajo thotë se përdhunuesi i saj: “më la shtatzënë në një cep … sepse po villja dhe isha e sëmurë”.
Vite më vonë, ajo kishte pësuar një “moment psikotik” dhe ishte në një “gjendje paranojake” si rezultat i traumës që i la kjo ngjarje.
Gaga, emri i vërtetë i së cilës është Stefani Germanotta, i bëri këto deklarata në dokumentarin e Apple TV të Oprah Winfrey dhe Princit Harry, mbi shëndetin mendor.
Ajo shpërtheu në lot ndërsa përshkruante abuzimin që iu bë, në ditët e saj të para që u fut në industrinë e muzikës.
“Unë isha 19 vjeç dhe po punoja në biznes, dhe një producent më tha: ‘Hiqi rrobat!’. Unë thashë jo dhe u largova, dhe ata më thanë se do të më digjnin karrierën në muzikë. Dhe ata nuk u ndalën. Ata nuk pushuan së më pyeturi mua, dhe unë thjesht ngriva dhe unë… as nuk mbaj mend.”- tregon ajo.
Sot 35 vjeç, Gaga thotë se pavarësisht lëndimit që i ka shkaktuar, ajo nuk do ta zbulonte kurrë emrin e abuzuesit të saj.
“Unë e kuptoj këtë lëvizjen #MeToo, e kuptoj që disa njerëz ndihen vërtet rehat me këtë, por unë jo.”-vazhdoi ajo. “Unë nuk dua të përballem më kurrë me atë person përsëri.”
Gaga për herë të parë ka folur për abuzimin në vitin 2014, pasi e trajtoi fenomenin në një kënfë me titull si “Swine” dhe në një këngë tjetër “Til It Happens To You”.
